360 YIL ÖNCESİNE AİT BİR MAHKEME KAYDI

Miladi Mart 1662 tarihinde Banaz kazasına bağlı Oturak Köyü sakinlerinden Mustafa Ağa'nın Kethüdası Ali'nin çalınan kısrağının Afyon Karahisar ’da Himmet oğlu Murat'ın elin de olan kısrak olması nedeniyle kısrağın teslim edilmesinin istendiği hükümdür; Banâz Kazâsına tâbiʻ Oturak nâm karye sükkânından Mustafâ Ağa ibni nâm kimesnenin Kethüdâsı ve husûs-ı âti'l-beyân-ı daʻvaya vekîl-i şerʻîsi olan Ali bin Pîrî nâm kimesne meclis-i şerʻ-i şerîfe Murâd bin Himmet nâm kimesneyi ihzâr ve mahzarında takrîr-i daʻva idüb işbu meclis-i şerʻde mevcûd ve muşâru'l-ileyh kızıl tülü ve yelesi ve kuyruğu siyâh ve sağ tarafından halka damgalı kısrâk müvekkilim merkûm Mustafâ Ağa'nın mülkü olub baña ibdâʻ ve teslîm eylemişdi benim taht-ı yedimde iken târîh-i kitâbdan sekiz ay mukaddem mülk-i mahzımdan sirka itmişler idi hâlâ mezbûr Murâd'ın yedinde buldum suʼâl olunub alıverilmesi matlûbumdur didikde ğıbbe's-suʼâl mezbûr Murâd cevâbında ben zikr olunan kısrâğı Cân Mîrza Paşa karındaşı Ali Ağa'nın Ahmed nâmında bir adamısından bir iydiş ile iki yüz otuz akçeye iştirâʼ eyledim müddeʻî-i merkûm Ali'nin mülk-i mahzından sirka olunduğu maʻlûmum değilidir deyücük Vekîl-i mezbûr Ali'den takrîrine muvâfık beyyine taleb olundukda mine'l-udûl Ramazân bin Nûrî ibni ve Ebûbekir bin Sâlih nâm kimesneler li-ecli'ş-şehâde meclsi-i şerʻa hâzırân olub ğıbbe'l-istişhâd fi'l-vâkiʻ işbu meclis-i şerʻde mevcûd ve kızıl tülü yelesi ve kuyruğu siyâh ve sağ tarafında halka damğalı kısrâk merkûm Mustafâ Ağa'nın mülkü olub kethüdâsı mezbûr Ali'ye ibdâʻ ve teslim eyleyüb merkûm Ali'nin taht-ı yedinde iken târîh-i kitâdan sekiz ay mukaddem mülk-i mahzından sirka olundu biz husûsa şâhidleriz şehâdet dahî ideriz deyü edâ-i şehâdet-i şerʻiyye eylediklerinde baʻde'l-taʻdîl-ve't-tezkiye şehâdetleri hîn-i kabûle oldukdan sonra vekîl-i merkûm Ali'ye zikr olunan kısrâğı âhara beyʻ veya hîbe eylemedüğüne ve taraf-ı şerʻiyyeden bir tarîkle mülkünden çıkarmadığına yemîn teklîf olundukda ol dahî halfe-billâhi teʻâlâ idecek zikr olunan kısrağı vekîl-i mezbûr Ali'ye teslîm merkûm Murâd'a tenbîh birle mâ-vakaʻa bi't-taleb ketb olundu hurrire fi't-târîhi'l-mezbûr.  Şuhûdü'l-hâl  Mehmet Ağa Câmi-i bedel-i avârız  Muslu Bey el-Cündî  Mehmet Çelebi ibni elHâc Hızır Usta Mustafa bin Timur Molla Mehmet bin el-Kâtib  İbrahim bin Abdullah. (SERKAN KARAYOL)